in

தீபாவளிக்கு 21,000 சிறப்புப் பேருந்துகள்

தீபாவளியை முன்னிட்டு சுமார் 21,000 பேருந்துகள் இயக்கப்படும் என தமிழக போக்குவரத்துத் துறை தெரிவித்துள்ளது.

தீபாவளி பண்டிகை அக்டோபர் 29 ஆம் தேதி கொண்டாப்படுகிறது. இதையொட்டி தமிழகத்தின் பல மாவட்டங்களில் இருந்து சென்னையில் தங்கி வேலை செய்வோர் தங்கள் சொந்த ஊர்களுக்கு செல்வார்கள். இதனால் ஏற்படும் போக்குவரத்து நெரிசலை தவிர்க்கும் வண்ணம் சென்னையில் 5 தற்காலிக பேருந்து நிலையங்கள் அமைக்கப்படும் என போக்குவரத்து துறை தெரிவித்துள்ளது.

இது தொடர்பாக போக்குவரத்துத் துறை வெளியிட்டுள்ள அறிவிப்பின்படி, சென்னையில் இருந்து 26 முதல் 28ம் தேதி வரை 11,225 பேருந்துகள் வெளியூர்களுக்கு இயக்கப்படும். இதே நாட்களில் வெளியூர்களில் இருந்து சென்னைக்கு 10,064 பேருந்துகள் இயக்கப்படும்.

அக்டோபர் 26, 27, 28 ஆகிய தேதிகளில் செங்குன்றம் வழியாக ஆந்திரா செல்லும் பேருந்துகள் அண்ணாநகர் மேற்கு மாநகர பேருந்து நிலையத்தில் இருந்து இயக்கப்படும். கிழக்கு கடற்கரைச் சாலை, காஞ்சிபுரம் வழியாக செல்லும் பேருந்துகள் கோயம்பேடு எதிரே மாநில தேர்தல் ஆணைய பேருந்து நிலையத்தில் இருந்து புறப்படும். திண்டிவனம் வழியாக செல்லக்கூடிய பேருந்துகள் தாம்பரம் சானிடோரியம் பேருந்து நிலையத்தில் இருந்தும், வேலூர் வழியாக ஒசூர் வரை செல்லும் பேருந்துகள் பூந்தமல்லியில் இருந்து இயக்கப்படும். மதுரை, கன்னியாகுமரி, திருவண்ணாமலை, சேலம், கோவை செல்லும் பேருந்துகள் கோயம்பேடு பேருந்து நிலையத்தில் இருந்து செல்லும்.

தீபாவளிப் பண்டிகைக்கு வெளியூர் பேருந்துகளை பயணிகள் எளிதாக பயன்படுத்தும் வகையில், 26, 27, 28ம் தேதிகளில் இந்த 5 பேருந்து நிலையங்களுக்கு 200 மாநகர இணைப்புப் பேருந்துகள் கூடுதலாக இயக்கப்படும் என போக்குவரத்து துறை அறிவித்துள்ளது.

What do you think?

Comments

Leave a Reply

Your email address will not be published. Required fields are marked *

Loading…

0
Tamilnadu Today News

மூன்று மாணவிகள் உயிரிழந்த சம்பவம்: தமிழக அரசுக்கு நோட்டீஸ்

Tamil News Online

அப்துல் கலாமுக்கு நினைவிடம்.. கட்டுமானப் பணி தொடக்கம்