பொன்னியின் செல்வன் (PS1) திரைப்படத்தின் டிரைலரை முதல்வர் மு.க.ஸ்டாலின் வெளியிடுவார் என தகவல் வெளியாகி உள்ளது.
சென்னையில் செப்டம்பர் 6 ம் தேதி நடைபெற உள்ள பொன்னியின் செல்வன் திரைப்பட வெளியீட்டு விழாவில் தமிழக முதல்வர் ஸ்டாலின் கல்ந்து கொண்டு டிரைலரை வெளியிடுவார் என தகவல் வெளியாகி உள்ளது.
கல்கி கிருஷ்ணமூர்த்தி எழுதிய ‘பொன்னியின் செல்வன்’ நாவலை படமாக்கியுள்ளார் இயக்குநர் மணிரத்னம். இரண்டு பாகங்களாக உருவாகும் இந்தப் படத்தில் நடிகர்கள் விக்ரம், கார்த்தி, ஜெயம் ரவி, விக்ரம் பிரபு, பிரபு, பிரகாஷ் ராஜ், ஜெயராம், சரத்குமார், பார்த்திபன், ஐஸ்வர்யா ராய், த்ரிஷா என பலர் நடிக்கின்றனர்.
இப்படத்தின் முதல் பாகம் வரும் செப்டம்பர் 30-ஆம் தேதி ரிலீஸ் ஆகிறது. லைகா புரொடக்ஷன்ஸ், மெட்ராஸ் டாக்கீஸ் இணைந்து தயாரிக்கும் இப்படத்திற்கு ஏ.ஆர்.ரஹ்மான் இசையமைத்துள்ளார். ரவிவர்மன் ஒளிப்பதிவு செய்ய, ஸ்ரீகர் பிரசாத் படத்தொகுப்பு செய்கிறார்.
மேலும், இப்படத்தில் ஐமேக்ஸ் தொழில் நுட்பத்தில் வெளியாகும் முதல் தமிழ் திரைப்படமாக உள்ளது குறிப்பிடத்தக்கது.
இந்நிலையில், நேரு உள்விளையாட்டு அரங்கை தேர்வு செய்துள்ளனர். அங்கு செப்டம்பர் 6-ம் தேதி ஏ.ஆர்.ரஹ்மான் நிகழ்ச்சியுடன் பொன்னியின் செல்வன் பாடல் வெளியீட்டு விழா நடைபெறவுள்ளது.
அந்த விழாவிற்கு தமிழ் சினிமாவின் முன்னணி நடிகர்கள் ரஜினிகாந்த், கமல்ஹாசன் உள்ளிட்ட பலரை லைக்கா மற்றும் மணிரத்னம் ஆகியோர் அழைத்துள்ளனர். அதில் ரஜினிகாந்த் கமல்ஹாசன் ஆகியோர் கலந்துகொண்டு பாடலை வெளியிடுவார்கள் என கூறப்படுகிறது.
இந்த படத்தின் விழாவில் தமிழக முதல்வர் செப் 6 அன்று கலந்து கொண்டு படத்தின் டிரைலரை வெளியிடுவார் என தகவல்கள் வந்துள்ளது.
