அவதார் பாகம் 1 உலகமெங்கும் எதிர்பார்க்க முடியாத அளவில் வெற்றி பெற்று அனைவரையும் ஆச்சரியப்படுத்தியது. அவதார் திரைப்படம் குழந்தைகள் முதல் பெரிய வரை அனைவரையும் கவர்ந்தது குறிப்பிடத்தக்கது. ஆதலால் உலகமெங்கிலும் அவதார் படம் சிறப்பாக ஓடியது.
ஜேம்ஸ் கேமரூன் இயக்கத்தில் கடந்த 2009-ம் ஆண்டு வெளியாகி பிரம்மாண்ட வெற்றியை தந்த படம் அவதார். பிரம்மாண்டத்தின் உச்சமாக பார்க்கப்பட்ட இப்படம் உலக சினிமாவையே வியப்பில் ஆழ்த்தியது. அதுமட்டுமின்றி பாக்ஸ் ஆபிஸிலும் 2500 கோடி அமெரிக்க டாலருக்கு மேல் வசூலித்து சாதனை படைத்தது.
அவதார் படத்தின் வெற்றிக்கு பின் அப்படத்தின் அடுத்தடுத்த பாகங்கள் உருவாவதை உறுதி செய்த ஜேம்ஸ் கேமரூன், அப்படங்களுக்கான பணிகளிலும் மும்முரம் காட்டி வந்தார். இப்படத்தின் இரண்டாம் பாகம் குறித்த அறிவிப்பு வெளியான உடனே, அப்படம் எப்போது ரிலீசாகும் என்கிற எதிர்பார்ப்பு உலகெங்கிலும் உள்ள ரசிகர்களுக்கு இருந்தது.
