துணிவு திரைப்படத்தில் நடிகர் அஜித் நடித்துள்ளார் இந்த படத்தின் பணிகள் வெகு அளவில் முடிந்துள்ள நிலையில் அப்படத்தில் வரும் சில்லா சில்லா என்ற பாடல் வருகின்ற 9ந் தேதி வெளியாக உள்ளது.
நடிகர் அஜித்குமார் நடிப்பில் உருவாகியுள்ள திரைப்படம் துணிவு இப்படத்தை நேர்கொண்ட பார்வை, வலிமை படங்களை இயக்கிய எச்.வினோத் இயக்கியுள்ளார். இப்படத்தை போனிக்கபூர் தயாரித்துள்ளது. திரையரங்க வெளியீட்டு உரிமையை உதயநிதி ஸ்டாலினின் ரெட் ஜெயின்ட் மூவிஸ் பெற்றுள்ளது. இப்படத்திற்காக அஜித் மற்றும் இயக்குனர் வினோத் மூன்றாவது முறையாக இணைந்து உள்ளனர்.
வினோத் இயக்கிய இரு படங்களும் ரசிகர்கள் மத்தியில் நல்ல வரவேற்பை பெற்றுள்ள நிலையில் இப்படத்தின் வெளியீடும் மிகுந்த எதிர்பார்ப்பை ஏற்படுத்தியுள்ளது. இந்த படம் 2023 ஆம் ஆண்டு தைப் பொங்கலுக்கு வெளியாகிறது. இந்நிலையில், வருகிற 9ந் தேதி சில்லா என்ற பாடல் வெளியாக உள்ளதை அதிகாரப்பூர்வமாக அறிவித்துள்ளது படக்குழு.
இந்த படத்தில் மஞ்சு வாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் ஆகியோர் முக்கிய கதாப்பாத்திரங்களில் நடிக்கின்றனர். ஜிப்ரான் இசையமைத்துள்ளார் சென்னை மற்றும் ஹைதராபாத் போன்ற இடங்களில் படப்பிடிப்பு நடந்து முடிந்துள்ளது குறிப்பிடத்தக்கது.
இதையும் படியுங்கள்: டிசம்பர் 9ந் தேதி வெளியாகும் தமிழ் திரைப்படங்கள் ஓரு பார்வை
2014 ஆன் ஆண்டு அஜித்தின் வீரம், விஜயின் நடிப்பில் வெளியான ஜில்லா படமும் பொங்கலுக்கு வெளியாகி திரையுலகில் மோதின. இந்த நிலையில் அடுத்த ஆண்டு பொங்கல் தினத்தன்று விஜயின் வாரிசு திரைப்படமும் வெளியாக உள்ள நிலையில் அஜித்தின் துணிவு திரைப்படமும் வெளியாவதால் இரு ரசிகர்களும் மிகுந்த எதிர்பார்ப்பில் காத்திருக்கின்றனர்.
இது போன்ற தகவல்களை பெற தலதமிழ் இணையதளத்தை பின்பற்றுங்கள்.
